Alla fimmtudaga er starf fyrir krakka í 1 – 4. bekk í Digraneskirkju. Við leikum okkur saman, hlustum á sögur, föndrum, syngjum og skemmtum okkur vel.
Starfið hefst kl. 16:00 og lýkur kl. 17:00.
Við munum bjóða upp á fylgd frá Dægradvöl Kópavogsskóla rétt fyrir klukkan fjögur fyrir þau börn sem hafa leyfi til að fara. Farið er frá Kópavogsskóla kl. 15:40. Biðjum við foreldra um að skrifa undir leyfi þess efnis um að sækja megi barnið þeirra og fylgja því í kirkjuna. Við biðjum þá foreldra sem leyfa það að láta okkur jafnframt vita hvort að barnið megi ganga sjálft heim frá kirkjunni kl 17:00 eða hvort það verði sótt.
Þau börn sem ekki eru í Dægradvölinni í Kópavogsskóla eru eftir sem áður velkomin til okkar og þá mæta þau hress í kirkjuna kl 16:00. Þetta á líka við um börnin í Smáraskóla og Digranesskóla, öll börn á þessum aldri eru velkomin í kirkjuna.
Í kirkjunni verður dagskrá hlaðin skemmtun, söngvum, gleði, leikjum, sögum, bænum, bingó, föndri og mörgu fleiru. Það kostar ekkert að taka þátt í 6-9 ára starfi Digraneskirkju. Það eina sem þarf að gera er að mæta með góða skapið og jákvæðnina með í för.
Í vetur mun starfið hafa tvíþætt hlutverk, annars vegar að vera vettvangur fyrir skemmtilega krakka í 1.-4. bekk að hittast, skemmta sér og eiga kristilegt samfélag. Hins vegar er þetta leiðtogadeild þar sem ungmenni úr 10. bekk starfa sem aðstoðarleiðtogar, fá fræðslu og þjálfun í að sinna yngri börnunum og fá tækifæri til að spreyta sig á vettvangi.
Hlökkum til að sjá ykkur
Starfsfólk 6-9 ára starfsins
- Rakel Brynjólfsdóttir, forstöðumaður
- Júnía sigmundsdóttir
- Tinna Dögg Birgisdóttir
- Andri Lórenzson