Sunnudagaskólinn í Digraneskirkju er starfræktur samhliða messunum kl.11:00. Sunnudagaskólinn hentar öllum börnum á aldrinum fjögra til átta ára en yngri börn eru að sjálfsögðu velkomin í fylgd með foreldrum eða öðrum myndugum.
Í sunnudagaskólanum kynnast börnin sögunum af Jesú og læra söngva og bænir sem styðja við trúarlíf þeirra. Áhersla er lögð á virkni barnanna. Sunnudagaskólinn skiptist í 30 mínútna samveru í kapellu og aðra 30 mínútna samveru í fræðslusal sem við köllum dund. Í fræðslusal eru verkefni sem styðja enn frekar við Biblíusöguna sem sögð var í kapellu en megináhersla er á notalegt andrúmsloft. Samverunni líkur formlega á sama tíma og messunni og þá getur verið kjörið að taka þátt í súpumáltíðinni í safnaðarsalnum.
Öll börn sem koma í sunnudagaskólann fá afhenta pappaöskju undir verkefnablöð. Á hverjum sunnudegi bætist við vandað verkefnablað með myndskreyttri Biblíusögu.
Í sunnudagaskólanum eru notaðar hreyfingarnar tákn með tali með flestum söngvum sem sungnir eru.
Starfsfólk sunnudagaskólans
- Tinna Borg Arnfinnsdóttir
- Sr. Gunnar Sigurjónsson
- Sr. Magnús Björn Björnsson
- Þórunn Arnardóttir
Gunnar og Magnús skiptast á að vera í sunnudagaskólanum.