Leiga á sal eða kirkju

Þú ert hér: ://Leiga á sal eða kirkju
Leiga á sal eða kirkju 2016-11-19T11:04:11+00:00

Kirkjan

Digraneskirkja fylgir tónlistarstefnu Þjóðkirkjunnar.  Því skal nota lifandi tónlist við athafnir kirkjunnar.  Flutningur á upptökum er ekki leyfður í Digraneskirkju.
Kirkjan er í undantekningartilfellum leigð fyrir tónleika.
Kirkjan tekur 320 í sæti.  Gæta þarf þess að það sem fram fer sé í samræmi við tilgang kirkjunnar.
Auk þess má leigja kapelluna á neðri hæð og er hægt að flytja þangað stafrænt það efni sem fram fer í kirkjunni.
Tónleikar kosta kr. 55.000, þar innifalin er ein æfing sem fram fer í vikunni á undan í samráði við kirkjuvörð.

Hafa má samband við kirkjuvörð í síma 554 1620 eða kirkjuvordur(hjá)digraneskirkja.is

Safnaðarsalur

Safnaðarsalurinn er á efri hæð og tekur með góðu móti 116 manns í sæti. Hann er gjarnan leigður fyrir skírnarveislur, brúðkaup og erfidrykkjur.

Reglur um notkun salarins:

  1. Reykingar eru stranglega bannaðar.
  2. Neysla áfengis er bönnuð, nema við brúðkaupsveislur, þá er leyft að skála í freyðivíni.
  3. Ef tjón verða á munum kirkjunnar, þarf leigutaki að greiða fyrir það tjón.
  4. Safnaðarsalurinn er leigður á kr. 40.000
  5. Notkun á skjávarpa kostar kr. 5.000
  6. Greiða þarf sérstaklega fyrir laun húsmóður
  7. Greiða þarf fyrir hreinsun á dúkum, ef þeir eru notaðir, kr. 500 pr/dúk
  8. Gæta skal góðrar umgengni í hvívetna
  9. Ef börn eru meðal gesta, skal séð til þess að þau séu ekki eftirlitslaus að leik á göngum og í stiga kirkjunnar!
  10. Gengið skal frá greiðslum eigi seinna en tveim vikum eftir notkun salarins.

Kapella og fræðslusalur

Kapellan er á neðri hæð og er notuð fyrir helgihald og samverustundir á veturna.
Þar fer fram fermingarfræðslan og barna- og æskulýðsstarf ásamt ýmsum öðrum safnaðarþáttum.
Tengt kapellunni er lítill hliðarsalur sem við köllum fræðslusal.  Þetta er leigt saman.

Kapellan er hentug fyrir ráðstefnur og fundi og tekur uþb. 100 manns í sæti.
Þar er skjávarpi og breiðtjald.

Reglur um notkun kapellunnar:

  1. Reykingar eru stranglega bannaðar.
  2. Neysla áfengis er bönnuð
  3. Ef tjón verður á munum, þarf leigutaki að greiða fyrir það tjón.
  4. Kapellan er leigð á kr. 35.000
  5. Notkun á skjávarpa kostar kr. 5.000
  6. Gæta skal góðrar umgengni í hvívetna
  7. Gengið skal frá greiðslu eigi síðar en tveim vikum eftir notkun.
  8. Ef börn eru meðal gesta, skal séð til þess að þau séu ekki eftirlitslaus að leik á göngum og í stiga kirkjunnar.