Fréttir
Frá kór Digraneskirkju
Vetrarstarfið endar með utanlandsferð
Vetrarstarf kórsins hefst miðvikudaginn 12.september.kl.20.00.Auk venjulegra starfa kórsins svo sem messusöngs og metnaðarfullrar dagskrár á aðventukvöldi er fyrirhuguð ferð til Kanada í byrjun júní 2008.
Um er að ræða tónleikaferð, þar sem kórinn heldur sérstaka tónleika, heimsækir söfnuð, syngur við messu og kemur fram á samkomu í Gimli 17. júní. Sú hugmynd hefur komið fram að þóknunin fyrir messusönginn renni í sérstakan sjóð, til að niðurgreiða kostnaðinn. Einnig verður leitað styrkja. Nýir kórfélagar verða raddprófaðir 10. og 11. september eftir samkomulagi við organistann Kjartan Sigurjónsson, sími 5541620/8983050. Æfingar eru á miðvikudagskvöldum kl.20 –22. Messuskylda er annan hvern sunnudag A og B hópar.
