Málverka- og ljóðasýning

Júlíu Á. V. Árnadóttur

22.1.2009

Júlía Á V. Árnadóttir heldur einkasýningu á verkum sínum í Digraneskirkju. Þetta er fyrsta einkasýningin sem haldin er í Digraneskirkju en áður hafa verið haldnar samsýningar á verkum eftir listamenn sem tengjast Dvöl, heimili fyrir geðfatlaða í Kópavogi sem Rauði krossinn í Kópavogi og Kópavogbær standa að. Sýningin er öllum opin og er aðgengileg þann tíma sem kirkjan er opin. Aðgangur er að sjálfsögðu ókeypis.

Málverkum Júlíu tengjast frumsamin ljóð hennar og má kaupa ljóðabókina "Lífsins lind" og einnig málverk hennar á staðnum.

Listaverk Júlíu eru trúarlega innblásin eða eins og höfundur lýsir því formála ljóðabókar sinnar "Lífsins lind": "Ég vil gefa frelsara mínum og Guði alla dýrðina".

Til baka, Senda grein, Prenta greinina