Digraneskirkja

Messa 20. maí kl. 11 – Sjötti sunnudagur eftir páska

Sr. Gunnar Sigurjónsson — Wed, 16 May 2012 12:24:24 +0000

Sr. Magnús Björn Björnsson þjónar fyrir altari.

Zbigniew Zuchowicz leikur á orgelið og B-hópur kórs Digraneskirkju syngur.

Textar dagsins

Hvítasunnudagur – hátíðarmessa 27. maí kl. 11 – samstarf Digraneskirkju og Hjallakirkju

Sr. Gunnar Sigurjónsson — Tue, 15 May 2012 17:00:03 +0000

Hátíðartón sr. Bjarna Þorsteinssonar er sungið að sr. Magnúsi Birni Björnssyni.

sr. Íris Kristjánsdóttir prédikar en hún er á förum úr Kópavogi að halda til starfa í Kanada.

Kór Digraneskirkju syngur og Zbigniew Zuchowicz situr við orgelið.

Messan er árleg samstarfsmessa Digranes- og Hjallasafnaða.
Hún fer fram í Digraneskirkju þetta árið.

Eftir messu verða léttar veitingar í safnaðarsal.

Alþjóðlegur bænadagur

Sr. Gunnar Sigurjónsson — Tue, 15 May 2012 16:51:59 +0000

Alþjóðlegi bænadagurinn verður haldinn hátíðlegur á Hvítasunnudag 27. maí. Þann dag ætlum við að gleðjast saman í lofgjörð og bæn með stórri samveru í Digraneskirkju kl 20:00.
Þar syngjum við saman og biðjum og höfum Guð í fyrsta sæti. Hljómsveit sér um tónlistina og ýmsir kirkju- og safnaðarleiðtogar leiða bænina.

Hópurinn sem stendur að þessu er samkirkjulegur og kemur úr ýmsum áttum. Þessi hópur var hluti af hópnum sem stóð að bænagöngunni en hélt svo áfram og vildi gera fleira sameiginlegt.

Hugmyndin að alþjóðlegum bænadegi kemur erlendis frá og eitt af markmiðunum er það að enginn persóna eða samfélag eigi heiðurinn. Allur heiður fer beint til Guðs.
Við vonumst til að sem flestir sjái sér fært að taka þátt í þessu með okkur og að þetta átak megi sannarlega vera samvinnuverkefni allra kristinna manna.
Þessi viðburður á sér stað á sama tíma í yfir 200 löndum.

Íslenski
Facebook hlekkurinn er hér

Mótorhjólamessan annan hvítasunnudag, mánudaginn 28. maí kl. 20

Sr. Gunnar Sigurjónsson — Tue, 15 May 2012 15:00:42 +0000

Mótorhjólamessa kl. 20

Mótorhjólamessan er árlegur viðburður þar sem hinir ýmsu mótorhjólaklúbbar ríða fákum sínum í fylkingum til Digraneskirkju.

Sjaldan koma svo mörg vélhjóla saman á einum stað svo almenningi gefst tækifæri á því að skoða fákana og spjalla við ökumenn þeirra.

Messan er ALVÖRU messa, með prédikun og altarisgöngu, svo það er ekkert slegið af í helgihaldinu, þó svo umbúnaðurinn sé sveipaður léttleika og prestarnir (sem verða að vera mótorhjólafólk) eru búnir sama klæðnaði og viðbúið er af vélhjólafólki (hefðbundnum öryggisbúnaði vélhjólamanna). Leður og Goretex er því “viðeigandi” klæðnaður.

Meira hér: http://www.digraneskirkja.is/athafnir/hvitasunna/

Blúsmessa í Digraneskirkju, sunnudaginn 3. júní kl. 20

Sr. Gunnar Sigurjónsson — Tue, 15 May 2012 14:00:34 +0000

Í tilefni af Blúshátíð Kópavogs verður haldin Blúsmessa í Digraneskirkju sunnudaginn 3. júní kl. 20.

Þessi sunnudagur er bæði Þrenningarhátíð og Sjómannadagurinn svo það er ærið tilefni til þess að brjóta upp hið hefðbundna og leika sér svolítið með messuformið.

Björn Thoroddsen tónlistarmaður hefur veg og vanda af Blúshátíð Kópavogs og mun sömuleiðis annast um tónlistarflutning í Blúsmessunni.

Þetta er nýtt tilbrigði við helgihald Digraneskirkju og við væntum þess að sóknarbörn (og aðrir) sýni þessu áhuga með þátttöku sinni.
Aðgangur er ókeypis eins og í öðrum messum en búast má við fjáröflun til styrktar Sunnuhlíð.

Grillveisla sunnudagaskólans

Guðmundur Karl Einarsson — Tue, 15 May 2012 13:08:26 +0000

Þann 29. apríl 2012 var síðasti sunnudagaskóli vetrarins í Digraneskirkju. Af því tilefni voru grillaðar pylsur og svo auðvitað hoppað í hoppukastala sem birtist skyndilega fyrir utan kirkjuna. Sunnudagaskólinn hefst svo aftur í haust.

Messa sunnudaginn 13. maí kl. 11

Guðmundur Karl Einarsson — Wed, 09 May 2012 13:30:08 +0000

Prestur: Sr. Gunnar Sigurjónsson

Organisti: Zbigniew Zuchowich
Kór Digraneskirkju syngur

Textar dagsins

Messa sunnudaginn 6. maí kl. 11 fjórða sunnudag eftir páska

Sr. Magnús Björn Björnsson — Wed, 02 May 2012 13:26:42 +0000

Messa verður næsta sunnudag kl. 11.

Prestur sr. Magnús Björn Björnsson

Organisti Zbigiew Zuchowich. Kór Digraneskirkju leiðir safnaðarsöng.

Textar dagsins

Uppstigningardagurinn, fimmtudaginn 17. maí. Kirkjudagur aldraðra í Hjallakirkju og Bílamessa í Digraneskirkju

Sr. Gunnar Sigurjónsson — Tue, 17 Apr 2012 15:00:20 +0000

Uppstigningardagur er kirkjudagur aldraðra.

Guðsþjónusta verður í Hjallakirkju í samstarfi við Hjallakirkju kl. 14.
Eftir guðsþjónustuna verður boðið upp á kaffi og “hnallþórur”
sr. Íris Kristjánsdóttir annast um helgihaldið ásamt presti úr Digraneskirkju.

Um kvöldið verður Bílamessa kl. 20 í Digraneskirkju.
Þá koma félagar úr Fornbílaklúbbnum ásamt vonandi fleiri klúbbum sem hafa sérstakan áhuga á þeim menningararfi þjóðarinnar sem varðveittur er í gömlum bílum. Öllum er velkomið að koma með áhugaverða bíla til sýnis á bílaplani kirkjunnar, þó svo þeir séu ekki aldurhnignir
Bílarnir verða til sýnis á bílaplani kirkjunnar og Fornbílaklúbburinn býður upp á gamaldags kirkjukaffi eftir messuna.
Einar Clausen syngur að venju “Áfram veginn í vagninum ek ég”.
sr. Gunnar Sigurjónsson annast um helgihaldið í Bílamessunni.

Allir eru velkomnir.

Messa og síðsti sunnudagaskóli vetrarins sunnudaginn 29. apríl kl. 11

Guðmundur Karl Einarsson — Tue, 10 Apr 2012 16:02:46 +0000

Prestur: Sr. Gunnar Sigurjónsson

Organisti: Zbigniew Zuchowicz

Textar dagsins

Síðasti unnudagaskólinn og grill á eftir

Fer fram á sama tíma í kapellu á neðri hæð kirkjunnar.
Ingibjörg