Ritningarvers fyrir fermingarbörn

Ritningarvers úr Nýja testamentinu

1. Tvöfalda kærleiksboðorðið – Jesús svaraði honum: „Elska skalt þú Drottin, Guð þinn, af öllu hjarta þínu, allri sálu þinni og öllum huga þínum. Þetta er hið æðsta og fremsta boðorð. Annað er hliðstætt þessu: Þú skalt elska náunga þinn eins og sjálfan þig.“ Matt. 22.37-39
2. Litla Biblían – „Því svo elskaði Guð heiminn að hann gaf einkason sinn til þess að hver sem á hann trúir glatist ekki heldur hafi eilíft líf.“ Jóh. 3.16
3. Gullna reglan – „Allt sem þér viljið að aðrir menn geri yður, það skuluð þér og þeim gera.“ Matt. 7.12
4. „Sælir eru hógværir, því þeir munu jörðina erfa.“ Matt. 5.5
5. „Sælir eru miskunnsamir, því að þeim mun miskunnað verða.“ Matt. 5.7
6. „Sælir eru hjartahreinir, því að þeir munu Guð sjá.“ Matt. 5.8
7. „Sælir eru friðflytjendur, því að þeir munu Guðs börn kallaðir verða.“ Matt. 5:9
8. „En ég segi yður: Elskið óvini yðar og biðjið fyrir þeim sem ofsækja yður.“ Matt. 5.44
9. „Verið því fullkomin eins og faðir yðar himneskur er fullkominn.“ Matt. 5.48
10. „En leitið fyrst ríkis hans og réttlætis, þá mun allt þetta veitast yður að auki.“ Matt. 6.33
11. „Biðjið, og yður mun gefast, leitið og þér munuð finna, knýið á og fyrir yður mun upp lokið verða.“ Matt. 7.7
12. Jesús sagði: „Komið til mín, allir þér sem erfiði hafið og þungar byrðar, og ég mun veita yður hvíld.“ Matt. 11.28
13. „Á nafn hans munu þjóðirnar vona.“ Matt. 12.21
14. Símon Pétur svarar: „Þú ert Kristur, sonur hins lifanda Guðs.“ Matt. 16.16
15. Jesús horfði á þá og sagði: „Menn hafa engin ráð til þess en Guði er ekkert um megn.“ Matt. 19.26
16. „Þér skuluð ekki heldur láta kalla yður leiðtoga því einn er leiðtogi yðar, Kristur.“ Matt. 23.10
17. „Sá mesti meðal yðar sé þjónn yðar.“ Matt. 23.11
18. „Hver sem upp hefur sjálfan sig mun auðmýktur verða en sá sem lítillækkar sjálfan sig mun upp hafinn verða.“ Matt. 23.12
19. „Vakið því, þér vitið eigi hvaða dag Drottinn yðar kemur.“ Matt. 24.42
20. Og Jesús kom til þeirra, talaði við þá og sagði: „Allt vald er mér gefið á himni og jörðu.“ Matt. 28.18
21. „Sjá, ég er með yður alla daga allt til enda veraldar.“ Matt. 28:20
22. Jesús sagði: „Óttast ekki, trú þú aðeins.“ Mark 5:36
23. Jesús sagði við hann: „Ef þú getur! Sá getur allt sem trúir.“ Mark. 9.23
24. „Leyfið börnunum að koma til mín, varnið þeim eigi því að slíkra er Guðs ríki.“ Mark. 10.14
25. „En Guði er enginn hlutur um megn.“ Lúk. 1.37
26. „Verið miskunnsöm eins og faðir yðar er miskunnsamur.“ Lúk. 6.36
27. „Góður maður ber gott fram úr góðum sjóði hjarta síns en vondur maður ber vont fram úr vondum sjóði. Af gnægð hjartans mælir munnur hans.“ Lúk. 6.45
28. Og Jesús sagði við alla: „Hver sem vill fylgja mér afneiti sjálfum sér, taki kross sinn daglega og fylgi mér.“ Lúk. 9.23
29. Jesús svaraði: „Já, því sælir eru þeir sem heyra Guðs orð og varðveita það.“ Lúk. 11.28
30. „Því hvar sem fjársjóður yðar er, þar mun og hjarta yðar vera.“ Lúk. 12.34
31. „Í upphafi var Orðið og Orðið var hjá Guði og Orðið var Guð.“ Jóh. 1.1
32. „Guð er andi og þeir sem tilbiðja hann eiga að tilbiðja í anda og sannleika.“ Jóh. 4.24
33. Jesús sagði þeim: „Ég er brauð lífsins. Þann mun ekki hungra sem til mín kemur og þann aldrei þyrsta sem á mig trúir.“ Jóh. 6.35
34. Jesús sagði: „Þann sem til mín kemur mun ég alls eigi brott reka.“ Jóh. 6:37
35. Nú talaði Jesús aftur til þeirra og sagði: „Ég er ljós heimsins. Sá sem fylgir mér mun ekki ganga í myrkri heldur hafa ljós lífsins.“ Jóh. 8.12
36. Jesús sagði: „Ef þið farið eftir því sem ég segi eruð þið sannir lærisveinar mínir og munuð þekkja sannleikann, og sannleikurinn mun gera ykkur frjálsa.“ Jóh. 8.31
37. „Ég er góði hirðirinn. Góði hirðirinn leggur líf sitt í sölurnar fyrir sauðina.“ Jóh. 10.11
38. Jesús mælti: „Ég er upprisan og lífið. Sá sem trúir á mig mun lifa þótt hann deyi.” Jóh. 11.25
39. „Ég hef gefið yður eftirdæmi að þér breytið eins og ég breytti við yður.“ Jóh. 13.15
40. „Á því munu allir þekkja að þér eruð mínir lærisveinar ef þér berið elsku hver til annars.“
Jóh. 13.35
41. Hjarta ykkar skelfist ekki. Trúið á Guð og trúið á mig.“ Jóh.14.1
42. Jesús segir við hann: „Ég er vegurinn, sannleikurinn og lífið. Enginn kemur til föðurins, nema fyrir mig.” Jóh. 14.6
43. „Sá sem hefur boðorð mín og heldur þau er sá sem elskar mig. En þann sem elskar mig mun faðir minn elska og ég mun elska hann og birta honum hver ég er.“ Jóh. 14.21
44. Jesús svaraði: „Sá sem elskar mig varðveitir mitt orð og faðir minn mun elska hann. Til hans munum við koma og gera okkur bústað hjá honum. “ Jóh. 14.23
45. „Frið læt ég yður eftir, minn frið gef ég yður. Ekki gef ég yður eins og heimurinn gefur. Hjarta yðar skelfist ekki né hræðist. “ Jóh. 14.27
46. „Ég hef elskað yður eins og faðirinn hefur elskað mig. Verið stöðug í elsku minni.“ Jóh. 15.9
47. „Ef þér haldið boðorð mín verðið þér stöðug í elsku minni, eins og ég hef haldið boðorð föður míns og er stöðugur í elsku hans.“ Jóh. 15.10
48. „Þetta er mitt boðorð, að þér elskið hvert annað eins og ég hef elskað yður. “ Jóh. 15.12
49. „Sælir eru þeir sem hafa ekki séð og trúa þó.“ Jóh. 20.29
50. „Framar ber að hlýða Guði en mönnum.” Post. 5.29
51. En þeir sögðu: „Trú þú á Drottin Jesú, og þú munt verða hólpinn og heimili þitt.“ Post. 16.31
52. „Sælla er að gefa en þiggja.“ Post. 20.35
53. „Við vitum að þeim sem Guð elska samverkar allt til góðs, þeim sem hann hefur kallað samkvæmt ákvörðun sinni.“ Róm. 8.28
54. „Hafið andstyggð á hinu vonda en haldið fast við hið góða.“ Róm. 12.9
55. „Verið ekki hálfvolg í áhuganum, verið brennandi í andanum. Þjónið Drottni.“ Róm. 12.11
56. „Verið glöð í voninni, þolinmóð í þjáningunni, staðföst í bæninni.“ Róm. 12.12
57. „Fagnið með fagnendum, grátið með grátendum.“ Róm. 12.15
58. „Lát ekki hið illa sigra þig en sigra þú illt með góðu.“ Róm. 12.21
59. „Guð vonarinnar fylli yður öllum fögnuði og friði í trúnni svo að þér séuð auðug að voninni í krafti heilags anda.“ Róm. 15.13
60. „Kærleikurinn er langlyndur, hann er góðviljaður. Kærleikurinn öfundar ekki. Kærleikurinn er ekki raupsamur, hreykir sér ekki upp.” 1. Kór. 13.4
61. „Kærleikurinn breiðir yfir allt, trúir öllu , vonar allt, umber allt. Kærleikurinn fellur aldrei úr gildi.“ 1. Kor 13.7-8
62. „En nú varir trú, von og kærleikur, þetta þrennt, en þeirra er kærleikurinn mestur.“ 1. Kor 13.13
63. „Drottinn er andinn og þar sem andi Drottins er, þar er frelsi.“ 2. Kor 3.17
    
64. „Náð mín nægir þér því að mátturinn fullkomnast í veikleika.“ 2. Kor. 12.9
65. „Verið glöð. Verið fullkomin, áminnið hvert annað, verið samhuga, lifið saman í friði. Þá mun Guð kærleikans og friðarins vera með ykkur.“ 2. Kor. 13.11
66. „Með því að trúa á Krist Jesú eruð þið öll Guðs börn.“ Gal. 3.26
    
67. „Þið eruð öll eitt í Kristi Jesú.“ Gal. 3.28
    
68. „En ávöxtur andans er: kærleiki, gleði, friður, langlyndi, gæska, góðvild, trúmennska, hógværð og sjálfsagi.“ Gal. 5.22-23
69. „Berið hvers annars byrðar og uppfyllið þannig lögmál Krists.“ Gal. 6.2
70. „Villist ekki. Guð lætur ekki að sér hæða. Það sem maður sáir, það mun hann og uppskera.“ Gal. 6.7
71. „Þreytumst ekki að gera það sem gott er því að á sínum tíma munum við uppskera ef við gefumst ekki upp.“ Gal. 6.9
72. „Við eigum heldur að ástunda sannleikann í kærleika og vaxa í öllu upp til hans sem er höfuðið, Kristur.“ Ef. 4.15
73. „Verið góðviljuð hvert við annað, miskunnsöm, fús til að fyrirgefa hvert öðru eins og Guð hefur í Kristi fyrirgefið ykkur.“ Ef. 4.32
74. Verið lítillát og metið hvert annað meira en ykkur sjálf. Lítið ekki aðeins á eigin hag heldur einnig annarra. Fil. 2.4
75. „Verið með sama hugarfari sem Kristur Jesús var.“ Fil. 2.5
76. „Verið ávallt glöð í Drottni. Ég segi aftur: Verið glöð.“ Fil. 4.4
77. „Ljúflyndi ykkar verði kunnugt öllum mönnum. Drottinn er í nánd. “ Fil. 4.5
78. „Að endingu, systkin, allt sem er satt, allt sem er göfugt, rétt og hreint, allt sem er elskuvert og gott afspurnar, hvað sem er dygð og hvað sem er lofsvert, hugfestið það.“ Fil. 4.8
79. „Þið skuluð gera þetta, sem þið hafið bæði lært og numið, heyrt og séð til mín. Og Guð friðarins mun vera með ykkur. Fil 4.9
80. „Allt megna ég fyrir hjálp hans sem mig styrkan gerir.“ Fil. 4.13
81. „Hann hefur frelsað okkur frá valdi myrkursins og flutt okkur yfir í ríki síns elskaða sonar.“ Kól. 1.13
82. „Þið hafið tekið á móti Kristi, Drottni Jesú. Lifið því í honum. “ Kól. 2.6
83. „Lát engan líta smáum augum á æsku þína en ver fyrirmynd trúaðra í orði og hegðun, í kærleika, trú og hreinleika.“ 1. Tím. 4.12
84. „Gleymið ekki gestrisninni því að vegna hennar hafa sumir hýst engla án þess að vita.“ Heb. 13.2
85. „Jesús Kristur er í gær og í dag hinn sami og um aldir.“ Heb. 13.8
86. „En gleymið ekki velgjörðaseminni og hjálpseminni því að slíkar fórnir eru Guði þóknanlegar.” Heb. 13.16
87. „Sérhver góð gjöf og sérhver fullkomin gáfa er ofan að, frá föður ljósanna. Hjá honum er engin umbreyting né flöktandi skuggar. Hann er ávallt hinn sami. “ Jak. 1.17
88. „Guð er ljós og myrkur er alls ekki í honum.“ 1. Jóh 1.5
89. „Ef við játum syndir okkar, þá er hann trúr og réttlátur svo að hann fyrirgefur okkur syndirnar og hreinsar okkur af öllu ranglæti.“ 1. Jóh 1.9
90. „Börnin mín, elskum ekki með tómum orðum heldur í verki og sannleika.“ 1. Jóh 3.18
91. „Því að Guð er meiri en hjarta okkar og þekkir allt.“ 1. Jóh 3.20
92. „Þið elskuðu, elskum hvert annað því að kærleikurinn er frá Guði kominn og hver sem elskar er barn Guðs og þekkir Guð.“ 1. Jóh 4.7
93. „Enginn hefur nokkurn tíma séð Guð. Ef við elskum hvert annað þá er Guð í okkur og kærleikur hans er fullkomnaður í okkur.“ 1. Jóh 4.12
94. „Við þekkjum kærleikann, sem Guð hefur á okkur, og trúum á hann. Guð er kærleikur og sá sem er stöðugur í kærleikanum er stöðugur í Guði og Guð er stöðugur í honum.“ 1. Jóh. 4.16
95. „Og þetta boðorð höfum við frá honum, að sá sem elskar Guð á einnig að elska bróður sinn og systur.“ I. Jóh. 4.21
96. „Vertu trúr allt til dauða og ég mun gefa þér kórónu lífsins.“ Opb. 2.10
97. „Ég kem skjótt. Haltu fast því sem þú hefur til þess að enginn taki kórónu þína. “ Opinb. 3.11
98. „Ég er Alfa og Ómega, hinn fyrsti og hinn síðasti, upphafið og endirinn.“ Opb. 22.13