Námskeiðið Lifandi steinar

Eitt af markmiðum námskeiðsins er að kynna þátttakendum ýmsa þætti guðsþjónustunnar. Margir liðir guðsþjónustunnar eru okkur tamir en ef til vill framandi. Farið verður nánar í bakgrunn þeirra og trúarlegt innihald. Annað markmið er að þátttakendur kynnist hver öðrum. Þar skiptir borðsamfélagið miklu máli ásamt samræðum í hópum. Námskeiðið er fjölbreytt og gefandi. Það höfðar til allra sem áhuga hafa á kristinni trú og vilja dýpka trúarlíf sitt.