Eftir ofbeldi

Stuðningshópur í Digraneskirkju kl. 20-21 á þriðjudögum og Hjallakirkju kl. 12- 13 á föstudögum.

Afleiðingar ofbeldis eru margskonar en hér er ekki tæmandi upptalning af einkennum:

Afneitun:

• Ég á erfitt með að gera mér grein fyrir því hvernig mér líður.
• Ég geri lítið úr því hvernig mér líður.
• Ég fel hvernig mér líður og er hrædd við að aðrir dæmi mig.
• Líf mitt og líðan stjórnast af öðru fólki og þeirra hegðun.
• Ég þarf ekki hjálp frá öðrum og treysti öðrum ekki til að vera til staðar fyrir mig.
• Ég tjái neikvæðar tilfinningar með því að draga mig til baka eða vona að aðrir átti sig á hvernig mér líður.

Sjálfsmynd

• Ég á erfitt með að taka ákvarðanir.
• Ég sækist stöðugt eftir samþykki annarra.
• Ég dæmi allt sem ég geri og upplifi skömm.
• Mér finnst óþægilegt þegar ég fæ hrós eða viðurkenningu.
• Ég á erfitt með að biðja aðra um að mæta þörfum mínum.
• Ég tek álit annarra fram yfir mitt eigið.
• Mér finnst ég þurfa að gera eitthvað fyrir fólk til að það geti elskað mig.
• Ég á erfitt með að viðurkenna mistök.
• Mér finnst enginn skilja mig, viðbrögð mín eða mína reynslu.
• Ég sinni ekki daglegum þörfum mínum og á erfitt með að forgangsraða.

Ábyrgð

• Ég upplifi aðra ekki geta séð um sig sjálfir, tekið ábyrgð á eigin líðan eða hegðun.
• Ef að öðru fólki fer að líða betur eða breytast, þá hef ég leyfi til að upplifa frelsi.
• Mitt hlutverk er að ráðleggja og hjálpa öðrum, jafnvel óumbeðið.
• Ég gef allt sem ég á fyrir þá sem mér þykir vænt um og forðast að setja mörk.
• Mér líður best í samskiptum þar sem ég hjálpa öðrum og hræðist samskipti við jafningja.
• Ég nota útlit mitt og persónuleika til þess að reyna að upplifa viðurkenningu en finnst ég minna virði en aðrir.
• Ég get ekki sett heilbrigð mörk fyrr en ég fæ nóg og missi stjórn á mér.

Að lifa af

• Ég frýs eða bregst ekki við í skaðlegum aðstæðum.
• Ég gagnrýni allt við mig og þarf stöðugt að bæta mig.
• Ég forðast nánd og einlægni til að verja mig.
• Ég bæli niður tilfinningar mínar eða þarfir til þess að forðast gagnrýni..
• Ég þarf alltaf að vera í hlutverki og vera viðbúin gagnrýni eða niðurlægingu.
• Ég sleppi ekki tökunum af öðru fólki, því ég treysti því ekki.
• Mér finnst það veikleikamerki að sýna tilfinningar.
• Ég þarf alltaf að afsaka mig og útskýra fyrir öðrum.
• Ég reyni að breyta mér og því sem ég geri til að verjast ofbeldi eða árásum.
• Ég veit betur hvernig öðrum líður en þeim sjálfum.
• Ég skil oft ekki líkamleg viðbrögð eða tilfinningar mínar þegar ég upplifi kveikjur (e. trigger).
• Ég geri lítið úr því ofbeldi sem ég varð fyrir og er stöðugt að efast um að mín upplifun hafi verið rétt.
• Ég einangra mig frá öðrum og hef ekki tilverurétt til að njóta þess sem ég er að gera.
• Ég gagnrýni mig fyrir að hafa ekki brugðist betur við, sett mörk og að ofbeldið hafi enn áhrif á mig.