Digraneskirkja verður með spennandi og skemmtilegt starf fyrir börn í 1.-4.bekk. Starfið í vetur verður á mánudögum kl.16:00-17.00.  Kirkjubíllinn sækir börnin í dægradvöl Smáraskóla kl. 15:30 og Kópavogsskóla kl. 15:45. 

Skrá barn

Skráning í 6 - 9 ára starf

Í vetur biðjum við foreldra að skrá börnin sín í 6-9 ára starf Digraneskirkju hér á vefnum. Það auðveldar starfsfólki kirkjunnar að hafa yfirsýn yfir börnin og foreldra þeirra.
Skrá barn

Hver fundur hefst á því að börnin fá ávexti eða kex og djús, svo er helgistund þar sem við syngjum saman og börnin hlusta á Biblíusögu. Eftir helgistund er boðið upp á fjölbreytta og spennandi dagskrá, þar má meðal annars nefna; föndur, spil, leiki og kókoskúlugerð svo fátt eitt sé nefnt. Starfinu lýkur kl.17.00 og eru börnin þá ýmist sótt í kirkjuna eða ganga sjálf heim.

Starfsfólk okkar býður upp á kirkjubíl sem sækir börnin í dægradvölina í Smáraskóla kl. 15:30 og Smáraskóla kl. 15:45 og keyrir til kirkjunnar. Þau börn sem ekki eru í dægradvöl mæta beint í kirkjuna kl.16:00.

KirkjuprakkararDigranes

Það kostar ekkert að taka þátt í barnastarfi kirkjunnar en við biðjum um að foreldrar/forráðamenn skrái börn sín formlega í starfið. Þetta er gert til þess að gæta öryggis ef e-ð kemur upp á og einnig svo við getum leyft foreldrum að fylgjast með starfinu í gegnum reglulegan tölvupóst.

Í 6-9 ára starfinu eiga börnin góða stund saman.

STARFSFÓLK 6-9 ÁRA STARFSINS:

sr. Helga Kolbeinsdóttir, æskulýðsprestur Digraneskirkju og Hjallakirkju
(helga@digraneskirkja.is, 

Sara Lind Arnfinnsdóttir, leiðtogi

Leiðtogar í starfinu eiga það sameiginlegt að hafa mikla reynslu í barna og unglingastarfi innan kirkjunnar. Starfsmenn Digraneskirkju hafa sótt námskeiðið „Verndum þau“, en það snýr að því hvernig bregðast megi við ofbeldi gegn börnum/unglingum. Allt starfsfólk fer einnig í gegnum skimun þar sem krafist er upplýsinga úr sakaskrá.

  • #l #j. #F kl. #_24HSTARTTIME | #_CATEGORYNAME
    #_EVENTLINK