Fermingar 2026

Fermingarnámskeið verður haldið í ágúst. Einnig verður boðið upp á janúarnámskeið fyrir þau sem ekki komast í ágúst eða vilja heldur sækja námskeiðið í janúar. Á námskeiðinu verður lögð áhersla á að hrista hópinn saman í fjörugum leikjum. Kynning á fræðslu vetrarins, horfum á stutt myndbönd og kynnumst Jesú og nokkrum dæmisögum hans.

Fermingarfræðslan fer fram í september, október og nóvember annars vegar og hins vegar janúar, febrúar og mars. Við lærum um réttlæti, íþróttir og trú, sjálfstraust, tónlist, listir o.fl.

Tímasetningar fermingarfræðslunnar (upplýsingar koma síðar):

Fræðslan fer fram í Hjallakirkju eina vikuna og Digraneskirkju hina vikuna. Krakkarnir mæta í þann tíma sem hentar þeim best og mæta tvisvar í mánuði.

Þjóðkirkjan er með heimasíðu um fermingarfræðsluna og fermingu á slóðinni www.ferming.is.

Fermingarbörnin fara á fermingarnámskeið í Vatnaskóg 30. september-2. október. Kostnaður í ferðina er 27.900 kr. Innifalið er rúta, matur, fræðsla o.fl. Þau fermingarbörn sem skráð eru í Þjóðkirkjuna fá ferðina niðurgreidda af prófastsdæminu og kirkjunni sinni, gjaldið verður því samtals 18.700.- Ef þið eruð í vafa hvort þið séuð skráð í Þjóðkirkjuna er hægt að kanna það á island.is og auðvelt er að skrá sig þar með rafrænum skilríkjum. Það er ekki skilyrði að vera í Þjóðkirkjunni til að sækja fermingarfræðslu en þau sem eru utan Þjóðkirkjunnar þurfa að greiða fullt gjald.

Fermingarfræðslugjaldið er krónur 26.992 krónur. Innifalið er fræðslan, námsgögn og leiga á kyrtli við fermingu (krónur 2000).

Velkomið er að hafa samband ef illa stendur á eða erfitt er að greiða fyrir fræðslu og ferð í einu lagi. Kirkjan vill gera öllum kleift að komast með í Vatnaskóg og taka þátt í fermingarfræðslunni.

Ef eitthvað er óljóst má fá upplýsingar hjá prestum kirkjunnar í gegnum netfangið alfredf@kirkjan.is – helgabr@kirkjan.is – hildurs@kirkjan.is