Ferming

Þú ert hér: :Home/Athafnir/Ferming
Ferming 2017-05-05T02:28:45+00:00

Fermingar 2018

Búast má við einhverjum breytingum á upplýsingum á þessari síðu fram að hausti 2017. Ekkert er því til fyrirstöðu að skrá í fermingar 2018.

Skráning

Skráning í fermingar 2018 og fermingarfræðslu 2017-2018 er í gangi. Smelltu hér fyrir neðan til að skrá.

Skráning í fermingar og fermingarfræðslu 

Upplýsingar til fermingarbarna og foreldra

Boðið er upp á námskeið fyrir fermingarbörnin í ágúst 2017.

Fermingarfræðslan hefst mánudaginn 14. ágúst. Haustnámskeið vegna fermingarfræðslunnar heldur svo áfram daglega út vikuna, fyrir og eftir hádegi,  mánudaginn 14. ágúst til fimmtudagsins 17. ágúst.

Að auki mæta börnin einu sinni í mánuði um vetrartímann, tvo tíma í senn. Ágústnámskeiðið fer fram fyrir og eftir hádegi og verður hópnum skipt upp sem hér segir:

  • Fermingarbörn úr Kópavogsskóla og Álfhólsskóla mæta kl. 9-12.
  • Fermingarbörn úr Smáraskóla mæta kl. 13-16.

Þau börn sem ekki vilja né hafa tök á að taka þátt í umræddu námskeiði í ágústmánuði munu hefja fræðsluna í febrúar 2018 og vinna upp það sem ágústhóparnir unnu. Upplýsingar þar um verða tilkynntar með tölvskeyti (netföng sem tilgreind eru við skráningu).  Nánari fræðsluáætlun um námskeiðið verður aðgengileg í dagskrá.

Börnin koma um það bil mánaðarlega samkvæmt dagskrá.

Fyrsti fundur með foreldrum og forráðamönnum fermingarbarna er sunnudaginn 20. ágúst klukkan 13:00.

Fermingarfræðsla 2017 – 2018

Fermingarfræðsla fer fram mánaðarlega á sunnudögum kl. 12:30 samkvæmt dagskrá.

Fermingar 2018

  • Kópavogsskóli 8-C, Pálmasunnudagur 25. mars kl. 11
  • Kópavogsskóli 8-D, Pálmasunnudagur 25. mars kl. 13:30
  • Álfhólsskóli, Pálmasunnudagur, 25. mars kl. 13:30
  • Smáraskóli (börn sem voru í 7-ALÞ), Skírdagur 29. mars kl. 11
  • Smáraskóli (börn sem voru í 7-BMS), Skírdagur 29. mars kl. 13:30

Námsefni

Kennslubókin „Con Dios” og messubókin „KIRKJU LYKILL” fást í bókabúðum í Kópavogi  og Kirkjuhúsinu við Laugaveg 31.
Einnig verður kennt fermingarfræðsluefni: „Nýja kverið“ sem er kennsluefni til reynslu í DvD formati eftir sr. Gunnar og sr. Guðmundur (í Lindakirku).

Messubókina þurfa nemendur að kaupa nýja því þau fylla hana út með þátttöku í helgihaldi kirkjunnar. Skilyrt er að þau ljúki 10 verkefnum á fræðslutímanum og er þess óskað að foreldrar aðstoði þau við það í messum.

Þess er vænst að foreldrar fermingarbarna mæti til skrafs og ráðagerða eftir að kennsla hefst og munu fermingarbörn færa boð um það skriflega. Þá verður rætt um fermingardaga og nánari tilhögun.

Ferming.is

Þjóðkirkjan er með heimasíðu um fermingarfræðsluna og fermingu á slóðinni www.ferming.is.

Fermingarbarnaferðalag í Vatnaskóg

Fyrri ferðin með Kópavogsskóla og Smáraskóla er fimmtudaginn og föstudaginn 14.-15. september. Sameiginleg með fermingarbörnum Breiðholtskirkju. Hópurinn fer frá Digraneskirkju kl 8 og kemur daginn eftir kl 14:30.

Seinni ferðin er sameiginlega með Hjallakirkju með börnum Álfhólsskóla. Hópurinn fer frá Digraneskirkju á miðvikudegi kl. 8 og kemur aftur á fimmtudegi kl. 14:30 að Digraneskirkju.

Námskeiðið í Vatnaskógi kostar kr. 15.700. Hlutur fermingarbarns er kr. 9.000 en mismuninn niðurgreiðir söfnuðurinn og héraðssjóður. Greiðist fyrir brottför.

Dagskrá Vatnaskógar

Hver er kostnaðurinn?

  • Fermingarfræðslan allan veturinn er ákvörðuð af þjónustgjaldskrá ríkisins og er núna (ágúst 2017) kr. 19.146.  Fræðslugjald greiðist í upphafi námskeiðs. (getur tekið breytingum)
  • Námsgögn svo sem eins og kennslubókin „Con Dios“ og „Kirkjulykillinn“ sem fást í bókabúðum og Kirkjuhúsinu á Laugarvegi (verð fæst uppgefið í bókabúðum).  Stílabók sem fermingarbörnin vinna verkefni úr kennslubókinni eða prenta úr tölvu og halda til haga í möppu.
  • Ferðalag fermingarbarna í Vatnaskóg kostar kr. 15.700 (samkvæmt upplýsingum KFUM&K fyrir haustið 2016) en hlutur fermingarbarns er kr. 9.000 (söfnuðurinn og héraðssjóður prófastsdæmisins greiða hinn hlutann). Greiðist við brottför frá kirkjunni og er afhent Skógarmönnum í Vatnaskógi.  (Innifalin er rúta, matur,  og fræðsla frá starfsmönnum Vatnaskógar og kirkjunnar). (getur tekið breytingum)
  • Kyrtilgjald vegna fermingar er kr. 1.500 sem greiðist  á æfingu fermingarbarna fyrir fermingu. (Kyrtilgjaldið er leiga og stendur undir hreinsun og endurnýjun kyrtlanna).